Gërvalla: Kosova s’ka mercenarë në Ukrainë
Ministrja e Punëve të Jashtme dhe Diasporës në Kosovë, Donika Gervalla, ka reaguar ndaj deklaratave të presidentit rus, Vladimir Putin, i cili tha se në Ukrainë ka mercenarë nga Kosova.
Ajo ka shkruar në “Twitter” se Putin është po tenton largojë vëmendjen nga lufta e tij në Ukrainë.
“Nuk ka mercenarë të Republikës së Kosovës. Krimineli i luftës Putin po përpiqet të shpërqendrojë luftën dhe gjenocidin e tij kundër Ukrainës, duke bërë luftë propagandistike. Ai përsëri po gënjen. Ne e dimë atë lojë, nga Millosheviqi te Vuçiqi. Kosova qëndron me krenari me Amerikën, Bashkimin Evropian dhe Ukrainën, kundër kriminelëve të luftës”, ka shkruar Gërvalla.
There are no 🇽🇰 mercenaries. War criminal Putin is trying to distract from his war and genocide against 🇺🇦 by waging propaganda war. He’s lying, again. We know that game, from Milošević to Vučić. 🇽🇰 proudly stands with 🇺🇦🇺🇸🇪🇺, against war criminals. pic.twitter.com/7tw1Z75l19
— Donika Gërvalla-Schwarz (@gervallaschwarz) March 5, 2022
Presidenti i Rusisë, Vladimir Putin, në një bisedë me kancelarin gjerman, Olaf Scholz, ka thënë se në Ukrainë po shkon duke u shtuar numri “i mercenarëve nga Kosova”./21Media