Gjashtë persona gjenden të vdekur Lesbos të Greqisë

Autoritetet greke kanë bërë të ditur se trupat e gjashtë personave që besohet të jenë emigrantë janë gjetur në ishullin Lesbos.
Roja bregdetare greke tha se katër trupa u gjetën në bregdetin pranë portit të Mytilene dhe dy të tjerë u morën nga uji.
Trupat e tre burrave dhe tre grave u transferuan në një spital në Lesbos për autopsi, shtoi roja bregdetare pasi tre anije patrullimi të policisë dhe një helikopter morën pjesë në kërkim.
Të vdekurit ishin të huaj, tha roja bregdetare dhe një kërkim ishte ende në vazhdim për viktima të tjera të mundshme dhe anijen e tyre.
Lesbos, një ishull i Detit Egje pranë bregut perëndimor të Turqisë, është një zonë tranziti e shpeshtë për migrantët që udhëtojnë në Evropën Perëndimore nga Azia dhe Lindja e Mesme./21Media