Gjendja e përgjithshme e sigurisë në Kosovë është e qetë

Bashkëpunim i vazhdueshëm i KFOR-it me Ministrinë e Punëve të Brendshme

Ministri i Punëve të Brendshme, Ekrem Mustafa priti në takim njoftues komandantin e ri të KFOR-it gjeneral major, Lorenzo D’addario, ku  diskutuan për gjendjen e përgjithshme të sigurisë në Republikën e Kosovës.

Fillimisht ministri, Mustafa e uroi për detyrën e re gjeneral major D’addario dhe shprehu gatishmërinë për bashkëpunim mes dy institucioneve.

Të dy bashkëbiseduesit vlerësuan bashkëpunimin e mirë mes dy institucioneve sa i përket rendit dhe sigurisë në Kosovë. Gjithashtu ata vlerësuan se gjendja e sigurisë në vendin tonë është e qetë.

Ata u shprehen të gatshëm që bashkëpunimi i Ministrisë së Punëve të Brendshme dhe KFOR-it të thellohet edhe më tej, thuhet në komunikatën për media.