Gjonbalaj: 173 mjekë kanë ikur nga Kosova

LIVE UPDATE
173 mjekë kanë ikur nga Kosova
Nënkryetari i Odës së Mjekëve të Kosovës, Naser Gjonbalaj, bëri të ditur në “21 Drejtpërdrejt” të RTV21 se deri më tani, 173 mjekë kanë ikur nga Kosova.
“I bie 70.06 % e atyre që kanë diplomuar dhe janë pajisur me licencë në Odën e Mjekëve”, tha ai.
Gjonbalaj theksoi se çështja kryesore e ikjes së mjekëve është ajo e pagave.
I pyetur se a i zgjidh të gjitha problemet në shëndetës rritje e pagave, Gjonbalaj tha se “Nuk i zgjidh të gjitha problemet, por i afron mundësitë”.
Gjonbalaj: Ikja e mjekëve nga Kosova, shqetësuese
Naser Gjonbalaj, nënkryetar i Odës së Mjekëve të Kosovës, thotë se largimi i mjekëve nga Kosova është trend në rritje.
Ai thotë se është shumë shqetësuese ika e mjekëve dhe mungesa në mënyrë të vazhdueshme. Sipas Gjonbalajt, nëse ka mungesë të profesionistëve do të zgjatet lista e pritjes.
“Megjithatë me këtë listën e pritjes është bërë një sagë, edhe pse listë të pritjes ka në të gjitha vendet e botës në shëndetësi. Duhet potencuar se në aspektin e emergjencave nuk ka listë të pritjes. Pra ka kapacitete të mjaftueshme për rastet emergjente”, tha ai./21Media

Back to top button