Grafiti “vdekje shqiptarëve” në oborrin e shtëpisë së shëndetit në Bujanoc

Grafiti “vdekje shqiptarëve” është shkruar në oborrin e shtëpisë së shëndetit në Bujanoc.

Për këtë ka shkruar kryetari i Këshillit Kombëtar Shqiptar në Luginë të Preshevës Nevzad Lutfiu.

“Në oborrin e Shtëpisë së shëndetit në Bujanoc gjatë ditës së sotme, qytetarët e kanë parë këtë grafit ‘vdekje shqiptarëve’”, ka shkruar Lutfiu në Facebook ku ka bashkangjitur edhe një fotografi të grafitit.

Ai ka ftuar organet e rendit që ta zbulojnë autorin dhe të marrin masa.

Ky grafit është shkruar pas protestës që shqiptarët e Luginës së Preshevës e mbajtën të hënën, për të kërkuar trajtim të barabartë në Serbi.