Grand Prix Austria, edhe Loriana Kuka në çerekfinale

Pas Akil Gjakovës, çerekfinalen e Grand Prix Upper që po zhvillohet në Austri e ka siguruar edhe xhudistja Loriana Kuka.

Në kuadër të kategorisë deri në 70 kilogramë, xhudistja jonë, Loriana Kuka e ka mposhtur në raundin e dytë xhudisten nga Sllovenia, Anka Pogcnik.

Tani, Kuka në çerekfinale do të përballet me xhudisten hungareze, Szabina Gercsak.

Deri tani Kuka numëron dy fitore, ku në raundin e parë e mposhti polaken Aleksandra Kowalewska, kurse në të dytin sllovenen Anka Pogacnik.