Grenell reagon pas situatës në veri të Kosovës: Nga paqja me Trumpin, në kaos me Bidenin

Ish-emisari i Shteteve të Bashkuara të Amerikës në dialogun Kosovë-Serbi Richard Grenell, ka reaguar për zhvillimet në veriun e Kosovës.

Ai tha se situata ka kaluar nga paqja me Donald Trumpin, në kaos me presidentin aktual të ShBA-ve Joe Biden.

“Trupat e NATO-s kanë marrë objektet në Kosovë. Trupat amerikane dhe paratë amerikane. Ne shkuam nga paqja dhe përparimi nën drejtimin e Trumpit, te kaosi dhe okupimi me trupa nën drejtimin e Bidenit”, shkroi ai në Twitter.

BREAKING: NATO troops have taken over buildings in Kosovo. American troops and American money.

We went from peace and progress under Trump to chaos and troop occupation under Biden.

Biden is so weak. https://t.co/1D6dtjslp8

— Richard Grenell (@RichardGrenell) May 29, 2023

Në mëngjesin e së hënës një numër i protestuesve serbë kanë dal para objekteve komunale në Leposaviq, Zveçan dhe Zubin Potok.

Synimi i tyre është që të mos i lejojnë kryetarët e zgjedhur që të futen në komunë.