Gucati: Hoti të ndërpresë dialogun me Serbinë ose do të përballet me protesta

9 Gusht, 2020Përditesimi i fundit: 9 Gusht, 2020

Kryetar i Organizatës së Veteranëve të Luftës së UÇK-së, Hysni Gucati ka kërkuar nga kryeministrit i Kosovës, Avdullah Hoti që të ndërpresë dialogun me Serbinë ose do të përballet me protesta të përditshme shkaku i arrestimeve të ish-ushtarëve të UÇK-së nga listat që Serbia ka dërguar në Interpol.

Gucati ka theksuar se arrestimet e veteranëve të UÇK-së sipas listës së dërguar në Interpol nga Serbia janë cenim i të drejtave të njeriut.

“Apeloj tek Kryeministri Hoti, që ti ndërpret bisedimet me Serbinë, ose do të përballet më protesta të përditëshme. Arrestimet e fundit të veteranëve të UÇK-së sipas listës së re të Interpolit që i ka dërguar Serbia, është një dhunim dhe cenim i lirive dhe të drejtave të njeriut që po e bën Interpoli, por edhe organet e “drejtësisë” që e kanë miratuar këtë listë apriori pa kurrfarë baze, vetëm me kërkesë të Serbisë. Është tepruar loja më listat e UÇK-së në Interpol. Është shkelje e pa presedan nga Bashkësia Ndërkombëtare qe i ka lejuar Interpolitit një veprim kaq të padrejt ndaj pjestarëve të UÇK-së. Edhe sa falsifikime e akuza duhet ti toleroj UÇK-ja mbi supet e veta me propozime të Serbisë. Konsideroj që këto veprime janë vazhdimësi e përpjekjeve të Serbisë dhe partnerve të dëgjueshëm të saj, për denigrimin, njollosjen dhe komprometimin e kësaj lëvizjeje politiko ushtarake, që mbrojti popullatën e Kosovës në vitet 1998 1999”, ka shkruar kryetari i OVL-UÇK-së.

Veterani i UÇK- së, gjeneral Imri Ilazi dje ishte ndaluar nga Policia turke në Aeroportin e Antalisë, pasi shteti serb ka dërguar emrin e tij dhe ish pjesëtarëve të UÇK-së në Interpol. I njëjti pas disa orësh është liruar./21Media

Bie importi i automjeteve në Kosovë

Haradinaj-Stublla: Ngjarja në Karaçevë nuk rezulton të jetë patrullim i sinkronizuar