Haaland: E kam imagjinuar veten në City për një kohë të gjatë

Futbollisti i Manchester Cityt dhe kombëtares norvegjeze, Erling Haaland është shprehur i kënaqur me debutimin e tij në fanellën e klubit anglez në ndeshjen kundër Bayernit, raportojnë mediat britanike.
City mposhti Bayern me rezultat 1:0 në Green Bay dhe Haaland shënoi golin e vetëm. Dy klubet aktualisht ndodhen në SHBA ku po përgatiten për fillimin e sezonit të ri.
“Jam i lumtur, është gjithmonë mirë kur shënoj gola dhe kur e ndihmoj skuadrën të fitojë. Është gjithashtu mirë që përfundimisht përfundova serinë e humbjeve të Cityt kundër Bayernit”, tha Haaland.
Futbollisti norvegjez ka theksuar se është i vetëdijshëm se prej tij pritet shumë në sezonin e ri.
“Kam parë Cityn, i cili vitet e fundit luajti pa një sulmues klasik dhe e pashë veten në ekip. E imagjinoja se si do të ishe në fushë me gjithë ata lojtarë. Tani jam këtu, dua të jap gjithçka”, tha ai.
Manchester City do të luajë me Liverpool-in fundjavën e ardhshme për trofeun e “Community Shield”.