Hagë: Vazhdon gjykimi ndaj Salih Mustafës

Dëgjohet dëshmitari i tetë në rastin e ish-luftëtarit të UÇK-së
Në Dhomat e Specializuara në Hagë ka vazhduar gjykimi ndaj ish-pjesëtarit të Ushtrisë Çlirimtare të Kosovës, Salih Mustafa. U dëgjua dëshmitari i tetë i Zyrës së Prokurorit të Specializuar dhe pjesa më e madhe e seancës vijoi e mbyllur për publikun. Ndërsa, në seancë të hapur dëshmitari i mbrojtur tha se ka marrë pjesë në zhvarrimin e një trupi, derisa sipas tij, në të njëjtin varr ndodhej edhe një trup i një personi tjetër./21Media