Hapet Java Kulturore e Kosovës në Kanada
Me një atmosferë festive me qindra të pranishëm nga komuniteti shqiptar dhe mysafirë nga Kanadaja, nën tingujt e Orkestrës së Filarmonisë së Torontos nën dirigjimin e mjeshtrit Bujar Llapaj, drejtorit ekzekutiv e artistik Qazim Kallushi dhe tenorit me famë botërore Ramë Lahaj sot u mbajt koncert festiv në hapje të Javës së Kulturës së Kosovës në Kanada.
Zëvendëskryeministrja dhe ministrja e Jashtme dhe Diasporës, Donika Gërvalla, shprehu mirënjohjen e saj të thellë për kontributin e Kanadasë në çlirim dhe zhvillim të Kosovës dhe në veçanti integrim dhe mbështetje të mërgatës sonë në Kanada.
“Ata janë ambasadorët më të mirë të Kosovës. Ndërtojnë ura të fuqishme mes Kosovës dhe Kanadasë, por pa harruar asnjëherë vendin e tyre”, tha Gërvalla.