Haradinaj: Është faji i Kurtit dhe Osmanit që Grenell kërkon heqjen e taksës

Haradinaj deklarohet për padinë e Ramës ndaj tij

Ish-kryeministri Ramush Haradinaj tha se heqja e taksës dhe vendosja e reciprocitetit nuk janë e njëjta gjë. Sipas tij, Serbisë nuk duhet t`i ofrohet treg ekonomik pa njohur më parë Kosovën.

I kam kërkuar publikisht Kurtit të mos e heq taksën. Por ai ka hyrë pa analizë të thellë për heqjen e taksës me reciprocitetin. Është e pakuptimtë me ja kthy fuqinë ekonomike Serbisë nëse nuk të njeh. I kam bërë thirrje publike Kurtit për këtë”, tha Haradinaj, duke shtuar se është faji i Kurtit dhe Vjosa Osmanit, që ambasadori Grenell kërkon heqjen e taksës.

Sipas tij, Kurti dhe Osmani kanë deklaruar më herët se do e heqin taksën, ndaj ambasadori Grenell e kërkon atë tashmë.

Haradinaj nuk i ka kursyer kritikat ndaj kryeministrit të Shqipërisë Edi Rama, duke u shprehur se me padinë ndaj tij ka ofenduar shqiptarët.

Padia që Rama ka bërë ndaj meje nuk e ka dëmtuar Kosovën në këtë rast. Por mendoj që është ofendim ndaj shqiptarëve në plan kombëtar. Është veprim jo i duhur. Kosova ka arritur të lexojë zotin Rama, nuk e shohin si një shtetar ose një burrështetas. Kjo është përshtypja nga një numër i madh njerëzish. Jam i gatshëm për këto sfida. Mendoj se nuk e kam tepruar, por e kam kursyer. Jo atë, por kombin shqiptar”, tha Haradinaj në emisionin “Tempora”.

Back to top button