Haradinaj për Distria Krasniqin: Ky është mentaliteti dhe reflektimi që ajo inspiron tek secili i ri

Kryetari i Aleancës për Ardhmërinë e Kosovës (AAK), Ramush Haradinaj, duke uruar për triumfin në Paris që shënoi Distria Krasniqi, ka thënë se Kosova krenare është tifoze e flaktë e saj.

Haradinaj ka thënë se për Distrinë asgjë nuk është e pamundur.

“Distria sigurt e plot krenari po i afrohet suksesit të madh olimpik në Paris. Kosova krenare është tifoze e flaktë e saj. Asnjë befasi, për Distrinë asgjë nuk është e pamundur, ky është mentaliteti dhe reflektimi që ajo inspiron tek secili i ri!”, ka thënë Haradinaj.

Xhudistja nga Kosova, Distria Krasniqi, ka shkuar në gjysmëfinale në Olimpadën e Parisit, në kategorinë deri në 52 kilogramë. Atë e ndan vetëm një fitore për të siguruar medaljen e dytë olimpike./21Media