Haradinaj-Stublla reagon pasi autobusi nga Kosova u sulmua me gurë në Mal të Zi

2 min read

Notice: Trying to get property 'post_excerpt' of non-object in /home/rtv21new/public_html/wp-content/themes/newsphere-pro/inc/hooks/hook-single-header.php on line 65

 

Ministrja në detyrë Punëve të Jashtme dhe Diasporë Meliza Haradinaj-Stublla ka dënuar ashpër incidentin e djeshëm në Berane të Malit të Zi, ku një autobus me udhëtarë nga Kosova është gjuajtur me gurë.

Haradinaj-Stublla është shprehur se ky incident ka mbjellë frikë për qarkullimin e lirë të qytetarëve ndërmjet Kosovës dhe Malit të Zi, dhe se Kosova nuk do ta lejojë minimin e drejtimit euro-atlantik të rajonit, nga këto incidente të mbjella nga lufta hibride kundër anëtarëve dhe aleatëve të NATO-s në rajon.

“Si rajon ne jemi përcaktuar për integrim euro-atlantik dhe Kosova nuk do të lejojë asnjë zbrazëti për minim të kësaj përpjekjeje nga lufta hibride që po bëhet ndaj shteteve anëtare dhe aleatëve të NATO-s në Ballkanin Perendimor.”, është shprehur kryediplomatja e Kosovës.

Haradinaj-Stublla më tej i ka bërë thirrje edhe autoriteteve malazeze që të ruajnë marrëdhëniet e shkëlqyera midis Kosovës e Malit të Zi:

“I bëj thirrje autoriteteve të Malit të Zi që të ruajnë marrëdhëniet e shkëlqyera të kultivuara mes vendeve tona në vitet e fundit, duke marrë parasysh edhe rolin e rëndësinë e lartë të komunitetit shqiptar në Mal të Zi.”

Ministria e Punëve të Jashtme dhe Diasporës ka kërkuar nga autoritetet malazeze sqarim të plotë të këtij incidenti.
Ambasada e Kosovës në Podgoricë, menjëherë pas incidentit, përmes një note verbale drejtuar Ministrisë së Punëve të Jashtme të Malit të Zi, ka kërkuar shpjegim në lidhje me incidentin në Berane. Po ashtu, ka kontaktuar edhe pronarin e kompanisë turistike Xhafer Berisha.

Incidenti ka ndodhur në afërsi të një kthese në hyrje të Berane, të mërkurën, rreth orës 16:30, në ditën e shënimit të 13 vjetorit të pavarësisë së Kosovës. Nga ky incident ndaj autobusit të kompanisë “Gjafa-Tours” janë shkaktuar vetëm dëme materiale dhe nuk ka pasur të lënduar nga turistët-skiatorë kosovarë, të cilët po ktheheshin nga Kolashini i Malit të Zi./21Media