Haradinaj viziton familjen e ministres Gërvalla

Kryetari i Aleancës për Ardhmërinë e Kosovës, Ramush Haradinaj, sot në Dubovik të Deçanit nderoi heronjtë Jusuf e Bardhosh Gërvalla dhe nënën Ajshe, për të vazhduar në vizitë në familje te Hysen Gërvalla, vëllai i heronjve.
Përmes një shkrimi në rrjetet sociale, Haradinaj tha se Hysen Gërvalla barti mbi supe barrën e rëndë të familjeve atdhetare shqiptare, persekutimin, burgosjen e vrasjen e vëllezërve, por mbeti deri sot shembull i rezistencës.

 
Gjithashtu në Drenoc, Haradinaj nderoi dëshmorët e kombit Selmon Dukaj, Ahmet Baqaj dhe Rexhep Mazrekaj, e në Irzniq Dëshmorin e Kombit Altin Haskaj, në 24-vjetorin e rënies.
“Respekti për ata që shkruan histori me sakrificën e gjakun e tyre është i përjetshëm”, shkroi Haradinaj./21Media