Hasani: Kurti kur kuptoi se këshilltarët e mashtruan, u radikalizua

Ish kryetari Gykatës Kushtetuese të Kosovës, Enver Hasani ka thënë se kryeministri Albin Kurti filloi të krijonte probleme pasi i kishte kuptuar gabimet e tij në dialogun me Serbinë.

Tutje Hasani tha se Kurti më pas e kuptoi se “këshilltarët e kishin mashtruar”.

“Dhe kjo është autonomi në kuptimin e plotë. Si territoriale ashtu edhe personale. Personale për sa i përket të drejtave individuale të garantuara me kushtetutë, dhe territoriale për sa i përket Kishës Ortodokse Serbe dhe trashëgimisë historike serbe në Kosovë. Ai e kuptoi se këshilltarët vendas dhe të huaj e kishin mashtruar sepse i thanë se nëse nuk e nënshkruan Marrëveshjen e Ohrit, Kosova mund të zhduket si shtet”, tha Hasani në një intervistë për Radion Evropa e Lirë.

Hasani tha se Kurti pas Marrëveshjes së Ohrit u gjend jo vetëm duke legalizuar të gjitha marrëveshjet e mëparshme me Serbinë, edhe duke shtuar element të rinj, duke përmendur si shembull “karakterin e autonomisë serbe në Kosovë”.