Hovenier për dorëheqjen e 3 serbëve nga Policia e Kosovës: Ndajmë shqetësimin e njëjtë me BE-në
Hovenier për dorëheqjen e 3 serbëve nga Policia e Kosovës: Ndajmë shqetësimin e njëjtë me BE-në
SHBA-ja ndan plotësisht të njëjtat shqetësime sikurse Bashkimi Evropian lidhur me dorëheqjen e 3 pjesëtarëve serbë nga Policia e Kosovës. Kështu deklaroi Ambasadori i Shteteve të Bashkuara të Amerikës në Prishtinë, Jeff Hovenier.
Ai tha se SHBA-ja është e përkushtuar për një forcë policore të Kosovës që është multi-etnike.
“Siç kam thënë shumë herë, Policia e Kosovës ekziston për t’iu shërbyer të gjitha komuniteteve në Kosovës dhe policët e saj duhet të jenë në gjendje të punojnë të lirë nga intimidimi”, ka shkruar ambasadori Hovenier.
Ambsasadori tha se janë duke e përcjellë këtë situatë nga afër.
Fully share these concerns, and reiterate our commitment to Kosovo’s multi-ethnic police force. As I’ve said many times, Kosovo Police exists to serve all communities in Kosovo & its officers should be able to work free from intimidation. Closely watching these developments. https://t.co/UoLjNZZ7yX
— Ambassador Jeff Hovenier (@USAmbKosovo) August 17, 2023
Shefi i EULEX-it: I shqetësuar me dorëheqjen e tre policëve serbë
Shefi i EULEX-it, Giovanni Pietro Barbano, po i sheh si shqetësim me dorëheqjet e tre policëve serbë nga Policia e Kosovës.
Ai tha se këto zhvillime po i ndjekin nga afër dhe tha se përbërja e policisë duhet të jetë përfaqësuese e komuniteteve që jetojnë në Kosovë.
“Po i shoh me shqetësim dorëheqjet e fundit të tre serbëve të Kosovës të saporekrutuar, pjesëtarëve të Policisë së Kosovës. EULEX po i ndjek nga afër këto zhvillime shqetësuese. Përbërja e policisë duhet të pasqyrojë dhe përfaqësojë shoqërinë të cilës i shërbejnë dhe mbrojnë”, tha ai.
Giovanni Pietro Barbano shtoi se anëtarët joshumicë të Policisë së Kosovës mund të kontribuojnë në sigurinë e komuniteteve të tyre përmes punës të orientuar nga komuniteti.
“Misioni është i përkushtuar të mbështesë përpjekjet e PK-së që synojnë zhvillimin e policimit efektiv, efikas, përfaqësues dhe të përgjegjshëm në fushëveprim më të gjerë”, shkroi ai./21Media