Humb jetën shoferi i kamionit në aksidentin në Mazgit

Ka humbur jetën shoferi i kamionit që u rrokullis gjatë ditës së sotme në segmentin e autostradës Mazgit- Prishtinë.

Këtë për portalin rtv21.tv e konfirmoi zëdhënësi i policisë, Baki Kelani.

“Sot, rreth orës 13:00, në segmentin e autostradës Mazgit-Prishtinë, ka ndodhur një vetaksident trafiku me pasoja fatale. Në këtë aksident është përfshirë një mjet i rëndë-kamion, i cili është rrokullisur. Si pasojë e këtij vetaksidenti drejtuesi i kamionit ka humbur jetën, vdekjen e të cilit e ka konstatuar ekipi mjekësor. Në vendin e ngjarjes, përveç njësive policore të cilat janë duke u marrë me rastin, kanë dalë edhe ekipi mjekësor dhe njësia e zjarrëfikësve. Policia e Kosovës, vazhdon të apelojë për respektim të rregullave të trafikut dhe për kujdes të shtuar gjatë pjesëmarrjes në trafik”, tha Kelani./21Media