Hyseni-Qeverisë: Mjaft more të pafytyrë se na morët në qafë
Skender Hyseni, ka bërë një reagim të ashpër ndaj Qeverisë së Kosovës, më saktësisht ndaj ministres së Jashtme Donika Gërvalla-Schwarz.
Reagimi i tij erdhi pasi kjo e fundit foli rreth tërheqjes nga gara presidenciale të Joe Biden.
Ish-ministri dhe deputeti i LDK-së, e ka quajtur Qeverinë të pafytyrë dhe të pandërgjegjshme e cila sipas tij e ka marrë në qafë Kosovën.
“Establishmenti politik në Kosovë, e besa edhe shoqëria në Kosovë kanë marrë turr me i “drejtu politikat parazgjedhore amerikane” thua se kanë fuqi magjike dhe se e kanë luksin të merren me gjëra që shkojnë larg përtej orbitës së tyre miniaturale”, tha ai.
Ministrja e Punëve të Jashtme dhe Diasporës, Donika Gërvalla reagoi mbrëmë pas lajmit se Joe Biden do të tërhiqet nga gara presidenciale në Shtetet e Bashkuara të Amerikës.
Gërvalla në një postim në “X” shkroi se populli i Kosovës e admiron dhe do t’i jetë përgjithmonë mirënjohës Presidentit Biden.
“Ai po tregon sërish se çfarë lideri dhe karakteri i madh është. Udhëheqja e tij në Perëndim dhe kontributi i tij dekada për lirinë dhe demokracinë globale janë një shërbim për të gjithë botën”, shkroi Gërvalla.
The people of Kosova do admire and will be forever grateful to President Biden.
He is showing again what a great leader and a great character he is.
His leadership of the West and his decades of contribution to global freedom and democracy are a service to the whole world. pic.twitter.com/IzxR4WTpqY
— Donika Gërvalla-Schwarz (@gervallaschwarz) July 21, 2024