Inaugurohet objekti i ri i Konsullatës së Republikës së Kosovës në Hamburg

Është inaugruar objekti i ri i Konsullatës së Përgjithshme të Republikës së Kosovës në Hamburg të Gjermanisë.

“Me qëllim të ngritjes së cilësisë së shërbimeve për mërgimtarët dhe qytetarët e Republikës së Kosovës si dhe rritjes së reputacionit të shtetit.”, thuhet në njoftimin e Minsitrisë së Punëve të Jashtme dhe të Diasporës

Bëhet e ditur se në hapjen zyrtare morën pjesë deputetë dhe euro deputetë gjermanë, deputetë të landit të Hamburgut, përfaqësues të qeverisë së landit të Hamburgut, Ambasadori në Gjermani, Faruk Ajeti, Zv.Sekretari i Përgjithshëm i Ministrisë së Punëve të Jashtme dhe të Diasporës, z. Behar Isma, Këshilltari i Ministres, znj, Donika Gërvalla, Lendrit Iljazi, anëtarë të korit diplomatik dhe konsullor në Hamburg, si dhe një numër i madh i artistëve e intelektualëve si dhe bashkë atdhetarëve tanë.

Konsullata e Përgjithshme e Republikës së Kosovës në Hamburg tani gjendet në adresën, Rothenbaumchaussee 133, 20149 Hamburg, Gjermani./21Media