Inter-Liverpool, publikohen formacionet zyrtare të ballafaqimit të zjarrtë

Interi dhe Liverpooli përballen sonte në San Siro në një ndeshje që pritet të jetë vendimtare për fatin e të dy skuadrave në Ligën e Kampionëve. Tabela tregon qartë se skuadra italiane vjen më e qetë dhe më e sigurt, pasi ndodhet në vendin e katërt me 12 pikë dhe një golavarazh të fortë 12:3 pas pesë ndeshjeve. Forma e tyre stabile dhe efikasiteti në mbrojtje i vendosin zikaltërit natyrshëm në rolin e favoritëve përballë një rivali të cili po lufton për të mbetur në garë.

Liverpooli e nis takimin nga një pozitë shumë e vështirë. Me vetëm 9 pikë dhe i renditur në vendin e trembëdhjetë, ekipi anglez ka nevojë të domosdoshme për pikë, veçanërisht kur rivali i sotëm është një prej më të qëndrueshmëve të fazës së grupeve. Golavarazhi 10:8 tregon se Liverpooli ka potencial ofensiv, por edhe se pëson më shumë se zakonisht, problem që në transferë si kjo mund të kushtojë rëndë.

Interi synon ta shfrytëzojë momentin e mirë, formën e sulmuesve dhe përkrahjen e San Siros për ta mbyllur grupin me një tjetër paraqitje bindëse. Ndërkohë, Liverpooli kërkon reagim dhe e sheh këtë ndeshje si mundësinë e fundit për të ndryshuar rrjedhën e sezonit evropian. Dinamika e tabelës dhe presioni i madh te skuadra angleze pritet t’i shtojë intensitet dhe emocion mbrëmjes në Milano.

Ndeshja pritet të jetë e hapur, me ritëm dhe me shumë ngarkesë në të dyja anët, pasi të dy ekipet kanë objektiva të qarta dhe urgjente. Interi për të konfirmuar dominimin, Liverpooli për të ruajtur gjallë shpresat.

Formacionet zyrtare:

Inter: Sommer, Akanji, Acerbi, Bastoni, Di Marco, Mikhtaryan, Calhanoglu, Barella, L. Henrique, Martinez, Thuram

Liverpool: Alisson, van Dijk, Ekitike, Gomez, Grevenberch, Isak, Jones, Konate, Mac Allister, Robertson, Szoboszlai.