Interi e Juventusi në garë për yllin e Benficas

Me vetëm një vit të mbetur në kontratën e tij me Benfican, Alejandro Grimaldo mund të shitet në janar pasi Interi dhe Juventusi raportohet se po shikojnë të arrijnë një marrëveshje të mundshme.
26-vjeçari spanjoll, mbrojtës i majtë, ishte i lidhur me një numër të klubeve këtë verë, nga Newcastle United dhe Arsenal e deri te shumë klube në Itali.
Grimaldo ka impresionuar gjatë gjashtë viteve të fundit me Benfican dhe tani me sa duket është i prirur të provojë një aventurë të re jashtë vendit. Bisedimet për rinovimin e kontratës kanë ngecur dhe tani një largim në janar duket i mundshëm.
Siç u theksua nga “Calciomercato”, Interi dhe Juventusi dëshirojnë me çdo kusht ta transferojnë Grimaldon në janar, me të dyja skuadrat që kërkojnë të shtojnë një mbrojtës të ri të majtë në skuadrën e tyre.
Ai aktualisht fiton rreth 1.2 milionë euro neto në sezon në Portugali, kështu që nuk do të ishte shumë i rëndë për një faturë pagash në Itali.
“Nerazzurrët” ende shpresojnë të shesin Robin Gosens në muajt e ardhshëm, me Bayer Leverkusen ende një destinacion i mundshëm për gjermanin dhe Grimaldo do të ishte një zëvendësim me kosto mjaft të ulët.
Kontaktet fillestare kanë nisur, por 26-vjeçari nuk po nxiton të zgjedhë klubin e tij të ardhshëm.