Iphone i gjeneratës së parë në ankand, kjo ishte vlera

Shtëpia e ankandeve RR Auction ka shitur iPhone-in e gjeneratës së parë model A1203, totalisht i ri dhe me ambalazh origjinal Apple, për një çmim prej 35,414 dollarë.
Duhet të theksohet se prodhuesi amerikan lançoi telefonin e tij të parë të mençur ekskluzivisht në tregun amerikan, ku mbërriti në verën e vitit 2007, atëherë u emërua “Shpikja e Vitit” nga revista Time .
Kjo pajisje, me një ekran me prekje dhe një buton të vetëm në qendër të poshtme të panelit, kishte një çmim fillestar prej 499 dollarë dhe ishte në dispozicion për blerje vetëm me operatorin AT&T.
Për më tepër, siç vërteton Apple në faqen e saj të internetit, kjo pajisje përfshinte numrin e saj serial në anën e pasme, prej alumini të anodizuar dhe u hodh në shitje me një kapacitet prej 4, 8 ose 16 GB, përcjell portali rtv21.tv
Siç u njoftua së fundmi nga RR Auction, ajo ka arritur të shesë një model A1203 8 GB për 35,414 dollarë, një pajisje krejt e re që është nxjerrë në ankand në paketimin e saj origjinal.
Nga kjo shtëpi ankandesh ata kanë theksuar se kutia e produktit paraqet një imazh të iPhone-it në përmasa reale, me gjithsej 12 ikona në panelin kryesor, siç mund të shihet në imazhet e shpërndara nga kompania e artikujve të këtij koleksioni.
Mungesa e një ikone të trembëdhjetë, ikonës iTunes, e cila mbërriti në fund të vitit 2007, vërteton se ky është prodhimi i parë i pajisjes. Kjo për shkak se Apple ndryshoi foton e kutisë për të paraqitur ndërfaqen e saj të përditësuar që atëherë.
RA Acution raportoi se ky artikull ishte pjesë e një ankandi të titulluar “Apple, Jobs ands Computer Hardware” që përfundoi më 18 gusht.
Duhet theksuar se ky ankand u zhvillua para prezantimit të modelit të ri, iPhone 14, i cili do të lansohet më 7 shtator./21Media