Ish-drejtori i Teatrit Kombëtar të Greqisë shpallet fajtor për përdhunim

Regjisori i njohur grek Dimitris Lignadis është shpallur fajtor për përdhunim dhe është dënuar me 12 vjet burgim me kusht.
Lignadis, ish-drejtori i Teatrit Kombëtar të Greqisë, u zbulua se kishte përdhunuar dy burra kur ata ishin fëmijë në 2010 dhe 2015.
Gjykata e Athinës dhanë vendimin në dy nga katër rastet e përdhunimit. Një çështje e tretë ndaj 57-vjeçarit u pushua për prova të pamjaftueshme, ndërsa akuzuesi i katërt nuk u paraqit asnjëherë në gjykatë për të dëshmuar dhe kishte dhënë një adresë të rreme.
Lignadis, i cili i ka mohuar akuzat, dha dorëheqjen nga pozicioni i tij si drejtor artistik kur akuzat u shfaqën në shkurt 2021, pasi kishte mbajtur këtë pozicion që nga viti 2019.
Avokati i tij ka kërkuar që gjykata e Athinës të shqyrtojë rrethanat lehtësuese përpara se ta dënojë.
Përveç dënimit me kusht, Lignadis është dënuar edhe me gjobë prej 30 mijë eurosh dhe i është ndaluar të largohet nga vendi./21Media