Kosova e nis mbarë rrugëtimin për “Euro 2024”
(Lajm i përditësuar)
Ka përfunduar përballja tejet interesante mes Izraelit dhe Kosovës, ku të dy kombëtaret kanë ndarë pikët.
Pas plot 90’ minutave lojë të zhvilluara në stadiumin “Bloomfield”, Kosova ka barazuar 1:1 si mysafire ndaj Izraelit.
Fillimisht, rezultatin të parët e zhbllokuan “Dardanët”, ku kalojnë në epërsi prej 1:0 përmes autogolit të Elazar Dasa në minutën e 36’.
Ndërkaq, golin e fundit të ndeshjes dhe të barazimit për izraelitët e shënoi Dor Peretz, i cili vulosi rezultatin final 1:1 në minutën e 56’.
Izraeli rikthehet në lojë kundër Kosovës
Është barazuar rezultati në stadiumin “Bloomfield” ku po zhvillohet ndeshja mes Izraelit dhe Kosovës.
Kombëtarja e Izraelit ka arritur ta barazojë rezultatin në 1:1 në ndeshjen kundër Kosovës, përmes golit të shënuar nga Dor Peretz.
Peretz shënon në minutën e 56’ për 1:1.
Golin e gjeni më poshtë.
19: 10- VAR-i ia anulon golin Rashicës (VIDEO)
“Dardanët” arritën ta gjejnë golin e dytë në stadiumin “Bloomfield”, por që VAR-i mendoi ndryshe.
Milot Rashica arriti që ta thellojë epërsinë e Kosovës në 2:0 në minutën e 49’ të ndeshjes kundër Izraelit.
Por, VAR-i anuloi golin e yllit kosovar për shkak të pozitës jashtë loje.
Momentin e gjeni më poshtë.
Israel 0 – 1 Kosovo – Milot Rashica disallowed goal 49′ – Mar 26, 2023 (streamin.me)
18:40- Elazar Dasa shënon ndaj Izraelit, Kosova në epërsi (VIDEO)
“Dardanët” më në fund e kanë gjetur golin e epërsisë në stadiumin “Bloomfield” të Tel Avivit.
Kombëtarja e Kosovës ka arritur të kalojë në epërsi prej 1:0 në ndeshjen si mysafire ndaj Izraelit, përmes autogolit të Elazar Dasa.
Pas një goditje të Milot Rashicës, Dasa bëri një ndërhyrje duke e devijuar topin në portën e tij në minutën e 36’, kështu duke e kaluar Kosovën në epërsi prej 1:0.
Golin e gjeni më poshtë.
Israel 0 – [1] Kosovo – Eli Dasa 36′ – Mar 26, 2023 (streamin.me)
18:15- Linku ku mund ta ndiqni ndeshjen Izrael- Kosovë
Ka filluar të zhvillohet minuta e parë e përballjes mes Izraelit dhe Kombëtares së Kosovës.
Kosova po përballet me Izraelin si mysafire në stadiumin “Bloomfield” të Tel Avivit, ndeshje kjo e vlefshme për ciklin kualifikues drejt Kampionatit Evropian Euro 2024, raporton KosovaPress.
Kosova dhe Izraeli pozicionohen në Grupin I së bashku me Rumaninë, Bjellorusinë, Zvicrën dhe Andorrën.
Linkun e ndeshjes e gjeni më poshtë.
Israel vs Kosovo Live – European Championship, Qual – 2023-03-25 (hesgoal-tv.io)