Izraeli kërkon përgjegjësi nga Libani për sulmet me raketa

 
Kryeministri i Izraelit, Naftali Bennett, i tha kabinetit qeveritar se Teherani dhe grupi militant pro-iranian, Hezbollah, po bëjnë përpjekje që ta përfshijnë Libanin “në një front kundër Izraelit”.
Megjithatë, ai tha se Libani dhe ushtria e tij duhet të marrin përgjegjësinë për raketat e lëshuara nga territori i këtij vendi në drejtim të Izraelit.
“Edhe gjatë kësaj krize të rëndë ekonomike dhe politike në Liban, Irani dhe Hezbollahu po mundohen t’i fusin në kurth qytetarët e Libanit në një front kundër Izraelit”, tha Bennett para takimit të kabinetit.
Gjatë javës së kaluar është përshkallëzuar dhuna mes Izraelit dhe Hezbollahut.
Avionët luftarakë izraelitë goditën caqe në Libanin jugor më 4-5 gusht pas sulmeve me raketa nga territori libanez. Ky ishte bombardimi i parë ajror izraelit në Liban që nga viti 2006.