Izraeli merr emrat e pengjeve për t’u liruar
Në një postim në Telegram, Hamasi sapo ka publikuar emrat e tre pengjeve gra të cilat thotë se do t’i lirojë së pari, si pjesë e armëpushimit me Izraelin.
Ata janë Romi Gonen, Emily Damari dhe Doron Steinbrecher.
Doron Steinbrecher, 31 vjeç, një infermiere veterinare, ishte në banesën e saj në Kibbutz Kfar Aza kur Hamasi sulmoi. Në orën 10:30 të datës 7 tetor, ajo u dërgoi një mesazh zanor miqve: “Ata kanë ardhur, ata më kanë mua”
Emily Damari, 28 vjeç, e cila ka shtetësi të dyfishtë britaniko-izraelite, u mor peng nga Kibbutz Kfar Aza. Duke iu drejtuar një ngjarje përkujtimore në Londër më 6 tetor 2024, nëna e saj Mandy tha se pengjet e liruara nëntorin e kaluar i kishin thënë asaj se kishin pasur kontakt me Emily në robëri
Romi Gonen, 24 vjeç, iu zu pritë teksa u përpoq të arratisej nga festivali Supernova. Nëna e saj, Merav Leshem Gonan, iu drejtua Këshillit të OKB-së për të Drejtat e Njeriut në qershor, kur ajo bëri thirrje për ndihmë ndërkombëtare për lirimin e pengjeve./21Media