“Izraeli po shqyrton hapat e të ardhshëm për sulmin hakmarrës ndaj Iranit”

Izraeli është zotuar se do t’i përgjigjet sulmit të Iranit të shtunën dhe po shqyrton hapat e tij të ardhshëm, thotë shefi i ushtrisë së vendit.

Teherani lëshoi ​​më shumë se 300 raketa dhe dronë në Izrael, në atë që ai tha se ishte hakmarrje për një sulm ndaj konsullatës së tij në Siri.

Zëdhënësi i Këshillit të Sigurisë Kombëtare të SHBA-së, John Kirby thotë se Irani nuk i ka dhënë paralajmërime Shtëpisë së Bardhë në lidhje me kornizën kohore për fillimin e një sulmi, raporton BBC, përcjell rtv21.tv

Kryeministri i Britanisë Rishi Sunak u ka bërë thirrje “të gjitha palëve” të “tregojnë vetëpërmbajtje”, duke shtuar se Mbretëria e Bashkuar po punonte me aleatët për “de-përshkallëzimin” e situatës.

Mbretëria e Bashkuar, së bashku me SHBA-në, Francën dhe Jordaninë, ndihmuan në rrëzimin e raketave dhe dronëve të gjuajtur në Izrael

Kabineti izraelit dhe liderët e opozitës janë takuar në Tel Aviv ndërsa Izraeli shqyrton përgjigjen e tij ndaj sulmit të së shtunës

Irani ka paralajmëruar Izraelin se çdo hakmarrje “e pamatur” do të marrë një “përgjigje shumë më të fortë”