Jasharaj: “Dhurata” e Qeverisë për Ditën ndërkombëtare të Mësuesit

Kryetari i SBAShK-ut, Rrahman Jasharaj përmes një letre publike ka shkruar se, punëtorët e arsimit janë në pritjen e arsyeshme, që bile në pjesën e dytë të ditës së madhe të 5 tetorit, Ditës ndërkombëtare të mësuesit, t’i marrin pagat.
“Nëse kjo nuk ndodh , jo vetëm qytetarët e Kosovës, por edhe gjithë bota do ta kuptoj se Qeveria po sjell mesazhe pikëllimi për mësuesin e Kosovës edhe në këtë ditë të madhe të mësuesit kudo në botë”, ka shkruar Jasharaj.
Jasharaj ka thënë se punëtorët e arsimit në Kosovë festojnë të dëshpëruar e pa paga.
“Sot, më 5 tetor miliona mësues të botës kremtojnë ditën e tyre dhe blejnë ndonjë dhuratë e ca gjësende për të festuar, ndërsa punëtorët e arsimit në Kosovë festojnë të dëshpëruar e pa pagat deri në këtë moment kur po shkruaj këtë shkrim. Qeveria e tyre i ndëshkojë për grevën legjitime në kohën kur për të njëjtën grevë ua dha pagat shërbyesve civilë që me qëndrim dinjitoz ishin në grevën e njëjtë .Punëtorët e arsimit janë në pritjen e arsyeshme , që bile në pjesën e dytë të ditës së madhe të 5 tetorit, Ditës ndërkombëtare të mësuesit, të marrin pagat e të blejnë ndonjë dhuratë modeste e ta festojnë këtë ditë të madhe, por nëse kjo nuk ndodh , jo vetëm qytetarët e Kosovës , por edhe gjithë bota do ta kuptoj se Qeveria po sjell mesazhe pikëllimi për mësuesin e Kosovës edhe në këtë ditë të madhe të mësuesit kudo në botë”, ka shkruar Jasharaj.
Mësuesit sot shënojnë ditën e tyre pa pagën e shtatorit, ajo nuk është ekzekutuar nga Qeveria me arsyetimin se gjatë muajit shtator mësimdhënësit kanë qenë në grevë./21Media