Kadrijaj: Nëse as sot s’ka reflektim, shihet se Kurti qëllimshëm po e mban peng konstituimin

Deputetja e AAK-së, Time Kadrijaj është deklaruar para seancës së 53-të konstituive.

Kadrijaj thotë se nuk e di si do të rrjedhë kjo seancë konstituive, nëse do të vazhdohet me komision të fshehtë, apo nëse do të ndryshojë rrjedha.

“Nëse kërkojnë të votohet komisioni, kandidati për komision është Albin Kurti, por nëse ndodh kjo, nuk ndërrohet forma e votimit, dhe nuk kanë reflektuar, atëherë po shihet se qëllimshëm që gati gjashtë muaj, Albin Kurti po e mban peng konstituimin e Kuvendit të Kosovës”, u shpreh Kadrijaj para gazetarëve.