Kamberi: Do vazhdojmë ta konfrontojmë Qeverinë në Beograd me diskriminimin kundër shqiptarëve
(Lajm i përditësuar)
Kamberi: Do vazhdojmë ta konfrontojmë Qeverinë në Beograd me diskriminimin kundër shqiptarëve
Shaip Kamberi, udhëheqës i Partisë për Veprim Demokratik, ka fituar edhe një mandat tjetër të përfaqësimit të shqiptarëve të Luginës së Preshevës në Kuvendin e Serbisë.
Kamberi përmes platformës “X” ka falënderuar votuesit, ndërsa ka thënë se është konfirmuar mandati i tij.
“Falënderojë votuesit shqiptarë, Beteja politike e shqiptarëve për Luginën e Preshevës do të vazhdojë në Parlamentin e Serbisë, pas zgjedhjeve të djeshme. Ne do të vazhdojmë ta konfrontojmë Qeverinë në Beograd me diskriminimin kundër shqiptarëve në Luginë të Preshevës”, ka shkruar Kamberi.
Opozita proteston para zyrave të KQZ-së në Beograd, kërkon anulimin e zgjedhjeve
Koalicioni “Serbia kundër dhunës” (SPN), që ka dalë i dyti në zgjedhje pas partisë së Aleksandar Vuçiqit, SNS, po i kundërshton rezultatet.
Liderët e koalicionit kanë ftuar protestë. Miroslav Aleksiq e Marinka Tepiq kanë thënë se do të fillojnë grevë urie deri në anulimin e zgjedhjeve në Beograd.
Dëshiron ta dëgjosh këtë lajm me zë?