Kamberi: Kosova dhe Shqipëria t’i qasen më seriozisht Luginës së Preshevës
Shaip Kamberi, deputet nga Bujanovci, kryetar i grupit të vetëm opozitar në parlamentin serb, ka kërkuar sot nga Qeveria e Kosovës dhe ajo e Shqipërisë që t’i qasen më seriozisht Luginës së Preshevës.
Ai ka kujtuar se Qeveria e Kosovës dhe ajo e Shqipërisë nuk kanë platformë dhe program shtetëror për Luginën e Preshevës, nuk ndajnë buxhet të rregullt dhe nuk kanë mekanizëm të veçantë qeveritar, teksa e kundërta qëndron me Serbinë në raport me Kosovën.
“Qeveria e Republikës së Serbisë për Kosovën :
– Ka platformë dhe program shtetëror
– Ndanë buxhet të rregullt (çdo vjet me qindra milliona euro)
– Ka mekanizëm të veçantë qeveritar (herë si ministri, herë si zyre të veçantë).
Qeveria e Republikës së Serbisë për Luginën e Preshevës :
– Ka platformë dhe program shtetëror, sado që letër e vdekur.
– Ndanë buxhet të rregullt, sado që pamjaftueshëm.
– Ka mekanizëm të veçantë qeveritar (Trupi Koordinues për Preshevë, Bujanoc dhe Medvegjë), sado që jofunksional dhe joefikas”, ka shkruar Kamberi në Facebook.
Dëshiron ta dëgjosh këtë lajm me zë?