Kandidati i AAK-së, Nazmi Gagica me fokus në transport publik dhe mirëqenie sociale për Gjilanin

Kandidati i AAK-së për kryetar të Komunës së Gjilanit, Nazmi Gagica, në debatin zgjedhor në RTV21, ka prezantuar programin e tij me fokus në përmirësimin e jetës së përditshme të qytetarëve.

Ai u zotua për investime në transportin publik, si dhe për zgjidhje afatgjatë të problemit me ujin e pijshëm, që prej vitesh mbetet një sfidë për banorët e komunës.

“Do të investojmë në transportin publik, do të ofrojmë një zgjidhje afatgjatë për problemin e ujit të pijshëm, do të themelojmë një qendër për qëndrim ditor për personat me aftësi të kufizuara dhe do të zhvillojmë infrastrukturën përcjellëse për zonat rekreative. Këtë qendër do ta realizojmë që në vitin e parë të qeverisjes,” deklaroi Gagica.

Ai vuri theksin në përfshirjen sociale dhe përmirësimin e infrastrukturës, duke e konsideruar atë si bazë për një Gjilan më funksional dhe gjithëpërfshirës./21Media