Kanye dhe Drake lanë mënjanë grindjen, kënduan së bashku

10 Dhjetor, 2021Përditesimi i fundit: 10 Dhjetor, 2021

Pamja e Ye (i cili kohët e fundit ndryshoi emrin e tij nga Kanye West) dhe Drake në skenë së bashku nuk është diçka që fansat do të prisnin të shihnin ndonjëherë, për shkak të grindjes së tyre të gjatë.
Gjatë viteve të fundit ne i kemi parë miqtë e dikurshëm të mbyllur në një luftë fjalësh, tekstesh dhe madje edhe emoji.
Por ata e kanë lënë në një anë për një koncert për të rritur ndërgjegjësimin për një njeri që të dy duan të lirohen nga burgu.
Shfaqja u zhvillua në Los Anxhelos të enjten mbrëma, transmeton rtv21.tv.
Larry Hoover, 71 vjeç, ndodhet në një nga burgjet më të sigurta në SHBA.
Ai ka qenë pas hekurave për më shumë se pesë dekada për përfshirjen e tij në krime të tilla si vrasjet e lidhura me bandat.
Shfaqja e Ye’s në Coliseum Memorial në Los Angeles ishte performanca e tij e parë kryesore në pesë vjet, thanë organizatorët.
Ai performoi hite të ndryshme duke përfshirë disa nga Drake, si Find Your Love. Drake mund të shihej duke kënduar jashtë skenës.
Më vonë, Drake iu bashkua Ye dhe ata performuan disa këngë së bashku.
Një person në Twitter tha se të shihje ata duke performuar së bashku ishte “një moment ikonik për kulturën e hip hopit” ndërsa një tjetër tha se ishte “koncerti më i madh i njohur”./21Media

Tags
10 Dhjetor, 2021Përditesimi i fundit: 10 Dhjetor, 2021
Back to top button