Kapen 53 qen të lidhur teksa po dërgoheshin në thertore

2 min read

Dhjetëra qen janë shpëtuar nga shndërrimi në mish qeni pasi u zbuluan të lidhur në thasë në kamioni pikërisht kur mbërritën në një thertore indoneziane.

Videoja tronditëse tregon momentin kur policia dhe aktivistët e kafshëve përgjuan automjetin e tregtarit të mishit në Sukoharjo, në ishullin indonezian të Java dhe gjetën 53 qen.

Qentë e tmerruar, kryesisht kafshë shtëpiake të vjedhura, u gjetën të lidhur në thasë dhe grykat e tyre të lidhura fort me fije dhe kabllo, pasi duruan një udhëtim rraskapitës 10 orësh, transmeton rtv21.tv.

Kamioni u ndalua nga policia në orët e para të mëngjesit të së mërkurës, sapo mbërriti në një thertore të paligjshme të mishit të qenit, ku 30 qen theren çdo ditë dhe shoferi u arrestua me dyshimin se ishte tregtar i mishit të qenit.

53 qentë e shpëtuar nga thertorja morën trajtim urgjent veterinar nga aktivistët përpara se të udhëtonin përsëri në një strehë të përkohshme ku do të kujdesen për ta.

Nuk ka gjasa që qentë të ribashkohen me familjet e tyre, por aktivistët po bëjnë thirrje lokale. Nëse ata nuk janë në gjendje të gjejnë pronarët e tyre, ata do të birësohen në Indonezi, ndërsa disa do të dërgohen në një strehë në Kanada ku mund të birësohen.

Në Indonezi, nuk ka asnjë ndalim mbarëkombëtar për tregtinë e mishit të qenit. Ndërsa qeveria është zotuar të godasë tregtinë, kanë qenë qeveritë rajonale ato që kanë ndërmarrë veprime deri më tani./21Media