KDI: Të lirohet nga detyra ministrja Rozeta Hajdari
Instituti Demokratik i Kosovës i ka bërë thirrje që zhvillohen hetime gjithëpërfshirëse dhe të pandikuara politikisht për rastin e rezervave shtetërore.
Po ashtu Instituti Demokratik i Kosovës (KDI) ka kërkuar lirimin nga detyra të ministres së Industrisë, Ndërmarrësisë dhe Tregtisë, Rozeta Hajdari.
“Duke ditur ndjeshmërinë e rastit dhe përfshirjen e zyrtarëve tëlartë ministror, KDI vlerëson se është i nevojshëm edhe lirimi nga detyra i ministres Rozeta Hajdari, për të mundësuar njëproces penal efektiv e të pandikuar politikisht. Njëherit, KDI kërkon nga të gjithë akterët, e në veçanti zyrtarët në pushtet, qëtë rezervohen nga çfarëdo deklarimi apo përfshirje që mund t’a ndikojë procesin e hetimit dhe pavarësinë e institucioneve të drejtësisë.”, thuhet në njoftim.
“Arrestimet e sotme të personave të dyshuar për përfshirje nëkeqpërdorime me rezervat shtetërore, të menaxhuara nga Ministria e Industrisë, Ndërmarrësisë dhe Tregtisë, janë tregues i pranisë së korrupsionit të nivelit të lartë edhe në sferat më tëndjeshme, që kanë ndikim social të drejtpërdrejt në jetën e qytetarëve. Për më tepër, raste të tilla minojnë besimin e publikut në institucione.”,
Sipas KDI-së në Kosovë, rastet e korrupsionit të profilit tëlartë shpeshherë kanë përfunduar pa aktgjykime dënuese, për shkak të mangësive në fazën hetimore – “që për pasojë kanëprodhuar aktakuza jokualitative. Prandaj, KDI e sheh si tëdomosdoshëm zhvillimin e një procesi sa më të detajuar dhe gjithëpërfshirës të hetimeve, në mënyrë që personat potencialisht përgjegjës të ballafaqohen me drejtësinë.”/21Media