Kërkohet kushtëzimi i Serbisë për të ofruar të dhëna për të pagjeturit
Kryetari i Komisionit Qeveritar për Personat e Zhdukur në luftën e fundit në Kosovë, Andin Hoti, ka kërkuar që bashkësia ndërkombëtare të rrisë presionin dhe të kushtëzojë Serbinë për të ofruar informacione për personat e pagjetur.
“Kërkesa jonë e parë është kushtëzimi ndaj Serbisë. Kërkesa jonë e dytë ka qenë garancia e Bashkimit Evropian që të ketë një afat kohor kur Serbia detyrohet të japë informacionet për personat e zhdukur, dhe kërkesa e tretë është për hapjen e të gjitha dokumenteve sekrete të Serbisë, të kohës së luftës në Kosovë”, ka thënë Hoti, teksa ka kryer homazhe te memoriali në Prishtinë kushtuar të pagjeturve.
Dita e të Pagjeturve në Kosovë shënohet më 27 prill.
Ai ka shtuar se së shpejti në Serbi pritet të fillojnë gërmimet në një tjetër lokacion.
Dëshiron ta dëgjosh këtë lajm me zë?