Kërkohet paraburgim ndaj të dyshuarve për sulmin ndaj kryetarit të Pejës
30 ditë paraburgim është kërkuar ndaj dy të dyshuarve për sulmin fizik ndaj kryetarit të Pejës, Gazmend Muhaxheri.
Prokurorja e rastit Arlinda Nallbani-Gacaferri ka thënë për portalin rtv21.tv se është bërë kërkesa për caktimin e një muaji paraburgim ndaj të dyshuarve.
“Konfirmoj se brenda afatit ligjor, pranë Gjykatës kemi paraqitur kërkesën për caktimin e masës së paraburgimit kundër të dyshuarve D.L dhe K.L. Kërkesa është bazuar në provat të cilat i posedojmë dhe e njëjta ështe paraqitur për tri bazat: rreziku i arratisjes, ndikimi në dëshmitarë dhe rreziku i përsëritjes”, ka thënë Nallbani-Gacaferri për portalin rtv21.tv.
Në Pejë po mbahet seanca për caktimin e masës ndaj të dyshuarve.
Kryetari i Komunës së Pejës, Gazmend Muhaxheri është sulmuar fizikisht të shtunën në Qendrën e Zejtarëve./21Media
Dëshiron ta dëgjosh këtë lajm me zë?