Këto janë vendet më të fundit që mbyllën hapësirën ajrore për avionët dhe linjat ajrore ruse
Tre vende të tjera evropiane njoftuan se do të mbyllin hapësirat e saj ajrore për avionët dhe linjat ajrore ruse në përgjigje të pushtimit të Ukrainës.
Gjermania tha se do të mbyllë hapësirën e saj ajrore për avionët rusë nga ora 15:00 me orën lokale të së dielës, sipas një deklarate nga Ministria Federale për Dixhital dhe Transport.
“Më 27 shkurt 2022, Ministria Federale lëshoi një njoftim për misionet ajrore (NOTAM) se avionëve dhe operatorëve rusë u ndalohej të fluturonin në dhe mbi hapësirën ajrore gjermane. Ndalimi vlen nga 27 shkurt 2022, ora 15.00. Fillimisht është i vlefshëm për tre muaj”, thuhet në deklaratë.
Ministria shtoi se fluturimet e ndihmave humanitare janë përjashtuar nga ndalimi.
Qeveria e Italisë tha në ”Twitter” se do të mbyllte hapësirën e saj ajrore për avionët rusë të dielën, pas një veprimi të ngjashëm.
Franca tha se do të mbyllë “hapësirën e saj ajrore për avionët dhe aeroplanët rusë nga kjo mbrëmje e tutje”.
Kështu u bë e ditur të dielën në ”Twitter” ministri francez i Transportit Jean-Baptiste Djebbari.
“Invazionit rus të Ukrainës, Evropa i përgjigjet me unitet total”, shtoi Djebbari./21Media