Konjufca: Gëzuar Krishtlindjen e kalendarit julian mbarësi e gëzime në familjet tuaja

Kryetari i Kuvendit të Kosovës, Glauk Konjufca, ua ka uruar besimtarëve ortodoksë Krishtlindjen.

Në një postim në Facebook, Konjufca ka uruar që mesazhet e ngrohtësisë, paqes, solidaritetit dhe respektit qofshin ato të cilat përshkojnë këtë ditë të kremtimit e festimit.

“Në frymën e mirësisë ndaj njëri-tjetrit dhe shpresës së përbashkët për njëri-tjetrin me të cilën vjen kjo festë, dëshiroj që të gjithë qytetarëve tanë serbë të besimit ortodoks t’ua uroj Krishtlindjen. Gëzuar Krishtlindjen e kalendarit julian, mbarësi e gëzime në familjet tuaja!”, ka shkruar ndër tjera Konjufca./21Media