Konjufca: Përpos Kuvendit, nesër shpresoj që do të bëhet edhe Qeveria

Nënkryetari i Lëvizjes Vetëvendosje, Glauk Konjufca ka thënë se nesër, përveç konstituimit të Kuvendit, pret që do të bëhet edhe Qeveria.

Konjufca në një deklarim për mediat, ka thënë se beson që nesër do të ketë edhe formim të Qeverisë.

“Ne kurrë nuk i kemi refuzuar aktgjykimet e Gjykatës Kushtetuese. Deri tash vazhdimisht Lëvizja Vetëvendosje, ato natyrisht kanë qenë beteja politike, por kur i ka dhënë vulë Gjykata Kushtetuese siç ishte rasti për shembull në vitin 2014 kur tha që jo, ju nuk mundeni me bë shumicën, shumicën duhet ta bëjë vetëm fituesi i zgjedhjeve, ne u tërhoqëm dhe vazhduam sipas opinionit të Gjykatës”, tha ai.