“KOSOVA”(anglisht) – dhuratë Presidencës së Kosovës

Drejtori i Shtëpisë botuese amerikane “Jalifat Publishing” nga Houstoni, Ramiz Tafilaj, ia dhuroi Presidencës së Kosovës 100 komplete të veprës “Kosova” I,II, III në anglisht të historianit Jusuf Buxhovi.
 
Donacioni iu dorëzua sot Presidencës së Kosovës.
Botuesi amerikan ka paraparë që një numër i konsiderueshëm i kësaj vepre t’iu dhurohet ambasadave të Republikës së Kosovës që të shpërndahet.
“Kosova” I,II, III është përkthyer në anglisht dhe botuar në SHBA në vitin 2014. Si e tillë, ka depërtuar në institucionet hulumtuese shkencore dhe në universitetet më të rëndësishme amerikane, tashmë e rekomanduar si literaturë shkencore.
Vepra ka depërtuar edhe në qendra të rëndësishme universitare në Europë, Azi dhe Afrikë./E.D-21Media