Kremlini hesht për vdekjen e shefit të Wagner

Shefi i grupit mercenar Wagner, Yevgeny Prigozhin supozohet të jetë vrarë në një aksident avioni në veri të Moskës, së bashku me krahun e tij të djathtë Dmitry Utkin dhe tetë të tjerë, shkruan BBC

Avioni, në pronësi të Prigozhin, po fluturonte nga Moska në Shën Petersburg me shtatë pasagjerë dhe tre anëtarë të ekuipazhit kur u rrëzua në rajonin Tver. Të 10 trupat janë gjetur, thonë raportet

Një kanal Telegram i lidhur me Wagner, i quajtur Zona Gri, raportoi vdekjen e Prigozhin , duke thënë se ai ishte “vrarë si rezultat i veprimeve nga tradhtarët e Rusisë”.

Kremlini nuk e ka konfirmuar vdekjen e tyre, por ka spekulime se lidershipi i lartë rus ishte i përfshirë, shkruan BBC.

Prigozhin ishte një aleat kryesor i Presidentit Putin, por marrëdhënia e tyre u përkeqësua pasi shefi i Wagner organizoi një rebelim të dështuar kundër udhëheqësve ushtarakë të Rusisë në qershor.

Presidenti Putin lëshoi një deklaratë të shkurtër përmes video-lidhjes për samitin në Johanesburg.

Ai falënderon presidentin e Afrikës së Jugut Cyril Ramaphosa për mikpritjen e samitit dhe për zgjerimin e grupit përtej pesë kombeve aktuale.

Ai nuk komentoi për rrëzimin e avionit të mbrëmshëm.

Kjo vjen pasi grupi Brics vendosi të ftojë gjashtë vende – Argjentinë, Egjipt, Iran, Etiopi, Arabinë Saudite dhe Emiratet e Bashkuara Arabe – për t’u bërë anëtarë të rinj të bllokut.

Ministri i Jashtëm rus Sergei Lavrov ka përfaqësuar Putinin në Afrikën e Jugut dhe është në konferencën për shtyp. Megjithatë, ai nuk iu drejtua të pranishmëve./21Media