“Kulti i punës në jetën dhe veprën e Bekim Fehmiut”

Për nder të figurës së Bekim Fehmiut, artistit shqiptar që arriti majat e suksesit në ekranin dhe në skenën botërore, Qendra Kinematografike e Kosovës dhe Ministria e Kulturës, Rinisë dhe Sportit kanë organizuar bashkëbisedën “Kulti i punës në jetën dhe veprën e Bekim Fehmiut” – me Fahri Musliun, Fadil Hysajn dhe Milazim Salihun.
“…si institucione dhe si shoqëri duhet të gjejmë një mënyrë që t’a bëjmë të qasshme figurën e tij, përmes njohjes më të thellë të karakterit të tij si artist dhe si njeri, duke nxjerrë në pah atë pjesë e cila do të mund të konsiderohej vlerë trashëgimore dhe model frymëzimi për brezin e tanishëm dhe të ardhshëm të artistëve”, thuhet në njoftim.
“Duke e njohur më mirë adn-në kreative të Bekim Fehmiut e cila në bërthamë bazohej në formulën: “punë të madhe për rezultate të vogla”, përvetësimi i një modeli të tillë kreativ do të ishte bazë frymëzuese me vlerë për ata që synojnë majat e suksesit duke integruar si qasje punën këmbëngulëse.” është shprehur grupi punues për hartimin e planit protokollar shtetëror për nderimin, mbrojtjen, dokumentimin dhe promovimin e veprimtarisë së aktorit kosovar me famë botërore Bekim Fehmiu”, thuhej në postimin e MKRS-së.
Me këtë rast filmi ‘Mbledhësit e Puplave’ do të shfaqet në 7 qendrat kryesore të Kosovës:
15.06.2022 Prizren
15.06.2022 Mitrovicë
15.06.2022 Pejë
15.06.2022 Gjakovë
15.06.2022 Ferizaj
16.06.2022 Gjilan
20.06.2022 Prishtinë./21Media