Kurti: Kosova ka qeveri pa kurfarë lidhje me krimin, sikur t’i kishim prokurorët më të guximshëm

Kryeministri Albin Kurti ka deklaruar se për herë të parë, Kosova ka Qeveri pa kurrfarë lidhje me krimin e organizuar.

Këtë deklaratë Kurti e i ka bërë festën e fundvitit të organizuar nga Lëvizja Vetëvendosje.

“Për herë të parë Kosova tani ka qeveri pa kurrfarë lidhjesh me krimin e organizuar dhe pa frikë ndaj tij. Përkundrazi, tash pra është krimi i organizuar, në veri e në jug, që tmerrohen nga qeveria: ose ikin ose dorëzohen. Eh, vetëm sikur edhe prokurorët sikur t’i kishim pak më të guximshëm edhe gjyqtarët t’I kishim pak më punëtorë, nga kampionë ballkanikë siç jemi do të mund të bëheshim kampionë evropianë”, ka thënë Kurti.

Kurti ka prekur edhe tema të tjera derisa për procesin e Vettingut, ka thënë se reformat janë të domosdoshme.

“Në rrafshin e drejtësisë, duket se i është dhënë drita e gjelbër një reforme të rëndësishme – Vettingut. Këto reforma do të duhet disa vite që të japin rezultate, mirëpo janë të domosdoshme për të rregulluar dhe për të garantuar mirëfunksionimin e drejtësisë, që duhet të jetë një nga shtyllat e vendit tonë demokratik”, ka deklaruar Kurti./21Media