Kurti: Para dhe pas vitit të ri mund të ketë sulme terroriste në Kosovë
(Lajm i përditësuar)
Kurti: Radoiçiq ka caktuar dy persona për të realizuar sulme në veri
Kryeministri Albin Kurti ka thënë se Serbia është duke vazhduar të bëjë luftë hibride ndaj Kosovës.
Ai tha se Milan Radoiçiq, që konsiderohet si kreu i grupit që e ka kryer sulmin në Banjskë të shtatorit të vitit të kaluar, i ka edhe dy njerëz të cilët punojnë për të dhe po kryejnë sulme në veri.
“E këta dy persona janë Nemanja Radivojeviq i njohur si ‘Gandi’ dhe Vlladimir Radivojeviq i njohur si ‘Mami”, ka thënë Kurti.
Kurti: Para dhe pas vitit të ri mund të ketë sulme terroriste në Kosovë
Kryeministri i Kosovës, Albin Kurti në një konferencë për media ka deklaruar se strehimi i Milan Radojçiqit në Serbi, mbështetja që i ofron Beogradi zyrtar me infrastrukturë për trajtime nuk mund të quhet ndryshe përveç koordinim i shtetit të Serbisë me Milan Radojçiqit dhe grupit të tij terroristë për ta zhvilluar më tej luftën hibride kundër Kosovës.
Sipas tij, tanimë Radojçiq nuk mund të organizojë aksione të të tipit rus por ka angazhuar persona të caktuar për aksione të caktuara në veri. Ai ka dhënë detaje për të gjitha sulmet që kanë ndodhur në veri.
“Kjo është kronologjia e 15 sulmeve nga 30 qershori deri më deri më 29 nëntor të cilat kanë qenë të përgatitura për ta dëmtuar Kosovën”, tha ai.
“Bazuar në informacionet intelegjente prapa urdhrit të sulmit në kanalin e Iber Lepenc, ka qen Milan Radojçiq”, tha Kurti.