Kush janë vajzat e Putinit, të cilat SHBA dhe vendet e tjera po i sanksionojnë?
Prej shumë vitesh, presidenti rus Vladimir Putin është përpjekur të mbajë jashtë vëmendjes dy vajzat e tij, Maria Vorontsova, 36 vjeç dhe Katerina Tikhonova, 35 vjeç.
Të dyja janë vajza të Putinit dhe ish-gruas së tij, Liudmila, një ish-stjuardese me të cilën ai u martua në vitin 1983 dhe u ndanë në vitin 2013.
Putini nuk shfaqet kurrë në publik në shoqërinë e tyre, sepse,sipas tij, ato janë qytetare të thjeshta që nuk janë të interesuar për biznes apo politikë, përcjell portali rtv21.tv
Më e madhja e tyre, Maria Vorontsova, lindi në vitin 1985. Ajo studioi biologji në Universitetin e Shën Petersburgut dhe mjekësi në Universitetin Shtetëror të Moskës.
Vorontsova tani është një akademike, e specializuar në sistemin endokrin. Ajo shkroi një libër mbi ngecjen e rritjes tek fëmijët dhe renditet si studiuese në Qendrën Kërkimore të Endokrinologjisë në Moskë.
Ajo është gjithashtu një biznesmene. BBC Rusia e identifikoi atë si bashkëpronar të një kompanie që planifikonte të ndërtonte një qendër masive mjekësore.
Vorontsova është e martuar me biznesmenin holandez Jorrit Joost Faassen, i cili dikur ka punuar në gjigantin shtetëror rus të energjisë Gazprom, megjithëse thuhet se ata janë ndarë.
Njerëzit që kanë folur me të që nga pushtimi i Ukrainës thonë se ajo mbështet babanë e saj dhe ka hedhur dyshime mbi raportimin ndërkombëtar të konfliktit.
Krahasuar me motrën e saj Katerina Tikhonova ka qenë shumë më shumë në sy të publikut, për shkak të talentit të saj si kërcimtare rock n’ roll. Ajo dhe partneri i saj dolën të pestët në një ngjarje ndërkombëtare në 2013.
Po atë vit, Tikhonova u martua me Kirill Shamalov, djalin e një miku prej kohësh të Putinit. Dasma e tyre u mbajt në një resort ekskluziv skish afër Shën Petersburg. Punëtorët atje thanë se çifti mbërriti me një sajë të tërhequr nga tre kuaj të bardhë.
Shamalov u sanksionua nga SHBA në vitin 2018 për rolin e tij në sektorin energjetik të Rusisë. Thesari i SHBA tha se “pasuria e tij u përmirësua në mënyrë drastike pas martesës”.
Pas pushtimit të Ukrainës, dy aktivistë rusë u arrestuan për pushtimin e një vile luksoze në Biarritz që thuhet se ishte në pronësi të Shamalov.
Tikhonova tani është në akademi dhe biznes. Ajo bëri një paraqitje të shkurtër në mediat shtetërore ruse në vitin 2018 për të folur për neuroteknologjinë dhe gjithashtu në një forum biznesi në vitin 2021. Në asnjë rast nuk u përmend marrëdhënia e saj me presidentin.
Asnjëra nga gratë nuk thuhet se kalojnë shumë kohë me Putin.
Putin ka edhe nipër e mbesa. Ai i përmendi ata në një telefonatë në vitin 2017, por nuk tha se sa të cilës vajzë ishin./21Media
Dëshiron ta dëgjosh këtë lajm me zë?