Kuvendi i Kosovës pa asnjë deputete të mbuluar

Labinotë Demi Murtezi besonte se do të ishte femra e gjashtë më e votuar e LAN-it

Në zgjedhjet e kaluara Labinotë Demi – Murtezi ishte femra e parë e mbuluar e cila zuri  ulëse në Kuvendin e Republikës së Kosovës.

Demi – Murtezi në zgjedhjet e kaluara ishte njëra nga kandidatet në listën e PDK-së, ndërsa këtë vit Labinota ishte kandidate në listën e koalicionit LDK – AKR – ALTERNATIVA, por nuk arriti që t’i fitojë votat e mjaftueshme për të qenë në mesin e 29 deputetëve, shkruan rtv21.tv

Në këto zgjedhje kandidoi edhe një tjetër femër me shami, Refiqe Tërnava – Beka, vajza e Naim Tërnavës e cila po ashtu  nuk arriti t’i fitojë votat e mjaftueshme për të qenë pjesë e Kuvendit të Kosovës.

Ndryshe, kujtojmë se Labinotë Demi – Murtezi pas zgjedhjeve gjatë numërimit të votave kishte reaguar ndaj mediave që thonin se votat e saj kanë rënë dukshëm, duke thënë se beson që ajo është femra e pestë ose e gjashtë më e votuar e koalicionit LAN (kliko këtu për të parë artikullin)./21Media

Back to top button