Lajçak takon Bislimin, diskutojnë për dialogun

1 min read

Emisari i BE-së për dialogun Miroslav Lajçak sot është takuar me zëvendëskryeministrin e parë të Kosovës Besnik Bislimi me të cilin ka biseduar për vazhdimin e procesit të dialogut në Bruksel.

Takimi i Lajçakut me Bislimin është zhvilluar në Vjenë.

“I kënaqur për një takim konkret dhe konstruktiv për rrugën përpara në dialogun për normalizimin e marrëdhënieve me zëvendëskryeministrin e parë të Kosovës Besnik Bislimi sot në Vjenë. Mezi presim të vazhdojmë diskutimet tona javën e ardhshme në Kosovë”, ka shkruar Lajçak në Twitter.

Sot shefi i diplomacisë së Bashkimit Evropian, Josep Borrell ka konfirmuar se javën e ardhshme në Kosovë dhe Serbi do të qëndrojë i dërguari i posaçëm për dialogun Miroslav Lajçak dhe i dërguari i SHBA-së për Ballkanin Perëndimor, Gabriel Escobar./21Media