​Lazio zgjedhe trajnerin e ri

Burime të shumta në Itali raportojnë se Lazio ka rënë dakord për një kontratë 18-mujore me trajnerin e ri Igor Tudor, por ai do të marrë drejtimin e skuadrës vetëm pas ndeshjes së kësaj fundjave me Frosinonen.

Klubi u detyrua të gjente një teknik të ri pasi Maurizio Sarri dha dorëheqje të martën pasdite, pas katër humbjeve radhazi në të gjitha garat. Ndihmës trajneri Giovanni Martusciello dhe pjesa tjetër e stafit të tij kishin mbetur për t’u përgatitur për ndeshjen e Serisë A të kësaj fundjave.

Sipas “Sky Sport Italia”, Martusciello do ta drejtojë skuadrën për ndeshjen e Frosinone-s, por trajneri i ardhshëm është zgjedhur tashmë në një samit të mbrëmjes së djeshme mes Tudor, agjentit të tij dhe presidentit Claudio Lotito .

Më e rëndësishmja, është një kontratë 18-mujore që zgjat deri në qershor 2025, me një opsion për t’u zgjatur për një vit tjetër.

Tudor nuk ishte përgatitur të pranonte një marrëveshje afatshkurtër deri në fund të sezonit.

Është një rikthim në Serie A për Tudorin, ish-mbrojtësin kroat 45-vjeçar, punët e mëparshme të të cilit si trajner përfshijnë Galatasaray, Udinese , Hajduk Split, Hellas Verona dhe së fundmi Olympique Marseille.

Ai ishte gjithashtu ndihmës menaxher nën Andrea Pirlon në Juventus në 2020-21.